Ordførar Harald Rydland i samtale med rådmann Olaug Haugen. Arkivfoto: Ingrid Hovstad

– I desse tider må me vel kunna bruka utrykket «inkje nytt er godt nytt» , skriv ordførar Harald Rydland i siste pressemelding frå kriseleiinga i kommunen.

Han melder om ei roleg helg på Fitjar, utan nye smittetilfeller eller andre forhold. Men om du no skulle ha gått glipp av nokon av tiltaka i Fitjar har me samla dei viktigaste under.

– Det er i følge ordføraren tre påviste koronasmitta i kommunen, men Fitjar kommune har auka kapasitet på smittevernkompetanse ved å leiga inn legen Odd Kvamme.

– Havnahuset vert berre opna for besøk etter avtale i visittida kl. 17.00 til 18.00. Fitjar bu- og behandlingssenter er stengt for alle besøkjande. Kritiske sjuke kan få besøk av nære pårørande etter avtale.

– Forbod mot overnatting på hytta, med mindre du har hytte i same kommune som du er folkeregistrert.

– Forbod mot arrangement, ikkje lov å nytta idrettsanlegga, og følg retningslinjene frå kommuenen om du skal ferdast i naturen.

– Hald avstand! Avgrens tal personar du har nær kontankt med.

Nokon du lurer påp? Meir informasjon finn ein på Fitjar kommune sine nettsider.

Fitjar kommune takkar Engevik & Tislevoll, Kværner Stord og Fitjar vidaregåande skule for at dei har gitt kommunen smittevernutstyr.