-I dag har Fitjarposten det gøy. Lurer på kva som er sant, ikkje sant?, skreiv ein fitjarbu på facebook i går 1. april. Og gøy hadde me det, og godt med treff fekk me på alle spøkane våre. Nedanfor kan du sjå «fasiten».

Vil byggje drone mot ulovleg utbygging.
Aprilspøk. Det ligg ikkje nokon planar føre om dette.

Ole Bergesen har overteke som leiar i Fitjar Idrettslag
Sant. Ole har no delt stilling mellom FKIB og FIL. 

Deler ut gratis softis.
Sant. Vågen`s kro delte faktisk ut gratis is  i butikken/kafeen på Sandvikvåg i går, til dei som vågde å seie at dei hadde lese om dette på fitjarposten.no.

Erna Solberg til gullfesten
Aprilspøk. Det hadde vore utruleg kjekt om statsministeren hadde kome. Men denne historia er oppdikta. 

Laga smykke av gamle harddiskar
Sant. Og det var vel ingen som var i tvil om det. 

Rasar mot skifte av målform
Aprilspøk. Det er sant at ganske mange fitjarbuar skiftar til bokmål kort tid etter grunnskulen. Men me har ingen statistikk på kor mange. Heller ikkje på kor mange som kryssar av bokmål på sjølvmeldinga. Og -sjølvsagt er det ingen planar om å skifte målform i Fitjar. 

Kjøper prestisjetunge designmøblar for skattepengar
Aprilspøk. Det kan nok etter kvart vere trong for fornying av møblar på dei nemnde kontora. Men det er ingen planar om designmøblar. 

Svært uventa kommunedeling
Aprilspøk. Denne spøken, som er den som flest har klikka seg inn på, vart sendt oss av ein av våre lesarar. Slikt likar me. Tusen takk til fitjarbuen som sende oss saka.