Det blir ingen 7-fjellstur i Fitjar denne hausten.

Etter ei kort synfaring og eit hastemøte torsdag kveld har 7-fjellskomiteen bestemt seg for at det ikkje blir noko av den planlagde 7-fjellsturen i haust. Det har regna nærmast utan stans i vekevis, og det er både vått, blautt og glatt i fjellet. – No begynner dagane å bli korte, og det er grenser for kor lenge me kan venta på betre vêr- og føreforhold, seier Odd Sverre Larsen til Fitjarposten. 

– Me prøver å avvikla neste 7-fjellstur til våren ein gong, rett etter at snøen er borte, seier Odd Sverre, som slett ikkje vil gi opp vona om å etablera ein 7-fjellstradisjon i Fitjar.