Ein tilårskommen deltakar vinkar nøgd til fotografen etter solid innsats. Foto: Finn Ingvar Havnerås.

Rundt ti håpefulle nytta høvet til å ta idrettsmerket i Fitjar Idrettspark nyårsaftan kl. 12.

På programmet i dag stod 60 meter, spensthopp, armhevingar og sit-ups. Og alle dei litt tilårskomne deltakarane klarte krava med glans. Alt dette blei avvikla i idrettsparken. Dei som skulle springa lenger, måtte ut på landevegen; dei sprang frå Landa og «heim» til Fitjar Idrettspark. Også desse klarte seg utan vanskar.

Dermed kunne kunne Øyvind Skålevik i idrettsmerkenemnda protokollføra ti nye i deltakarregisteret sitt. Kor mange han vil kunna bokføra ved slutten av året, er ikkje heilt avklart enno. Etter det siste innmelde resultatet frå Statfjord i dag morges var talet kome opp i 62, og han har ikkje fått inn resultata frå krinsane enno.Han reknar med at det etter kvart vil tikka inn resultat både frå Dåfjorden og Strando.

Dessutan er han tilgjengeleg for etternølarar heilt fram til kl. 24.00 i kveld. Er det nokon som vil ta idrettsmerket i ettermiddag, er det berre å ringja til Øyvind Skålevik eller Finn Ingvar Havnerås.

Ein tilårskommen deltakar vinkar nøgd til fotografen etter solid innsats. Foto: Finn Ingvar Havnerås.

Øyvind Skålevik og Finn Ingvar Havnerås har god styring med krava, og konstaterer at alle deltakarane klarte seg. Foto: Kjetil Rydland.
Øyvind Skålevik og Finn Ingvar Havnerås har god styring med krava, og konstaterer at alle deltakarane klarte seg. Foto: Kjetil Rydland.

Sigbjørn Rørvik kan ikkje lova at skeiseisen er klar før kl. 24.00 i kveld. Foto: Kjetil Rydland.
Sigbjørn Rørvik kan ikkje lova at skeiseisen er klar før kl. 24.00 i kveld. Foto: Kjetil Rydland.