IL Solid sin Bendit Cup er ein av dei største og mest velorganiserte fotballcupane i vårt område, og Fitjar IL var solid representert.

Heile 16 lag frå miniavdelinga til Fitjar var av garde på Solid sin Bendit Cup denne helga, fortel minileiar Anne Helene Vestbøstad i fotballgruppa.

Laurdag var det 13 lag i årsklassane 2004-2007 som alle spelar 5-arfotball, medan søndag var det 3 lag i årsklassane 2002-2003 som var i aksjon, dei spelar 7-arfotball. 

Det var mange grøne og kvite fotballspelarar frå Fitjar i Hustrudalen denne helga, og det er meldt om både sigrar, uavgjort og tap. Men viktigast av alt, stor idrettsglede og fotballiver. 

Bendit Cup har påmeldingsrekord i år med 192 påmeldte lag og ca. 1800 spelarar frå heile Sunnhordland og omegn.

Fitjar gutar f. 2007 starta med fotballtreningar etter vinterferien og var på sin aller første fotballcup. Heile 20 gutar fordelt på 3 ulike lag.