F.v. år i kommunen i parentes: Jofrid Nesbø(35), Rådmann OlaugHaugen, Liv Helland(21), Eva Karin Maraas(23), Ingunn Raunholm(31), Astrid de Vreede(23), Doris Vik(24), Gerd Lillian V. Nedal(11), Bodil Sørfonn(25), Bjørg Torvund(12), ordførar Harald Rydland, Reidun Heradstveit(33), Magnar Kloster(40), Annbjørg Tvedt(24), Gunn Evy Haaland(38) og Ellen Sandsmark(40)

Fitjar kommune inviterte inn til heidersfest for tilsette som har blitt pensjonistar eller har jubileum som kommunetilsett i dag.

Latteren frå gjengen samla på Fitjar Fjordhotell kan høyrast langvegsfrå, og vitnar om svært god stemning på heidersfesten. Gjestane bekreftar påstånden, og skryter av maten og selskapet.

– Ja, det har vore veldig kjekt, fortel Gerd Lillan Volden Nedal. Ho har jobba i Fitjar kommune i 11 år, og før det jobba ho i Stord kommune.

– Til saman har eg jobba i 21 år i kommunane på øya.

28 år i snitt

Ordførar Harald Rydland har rekna på gjennomsnittet.

– Gjennomsnittet på dei til stades på feiring her i dag, er på litt under 28 år kvar i Fitjar kommune. All respekt og æra til desse flotte folka, avsluttar Rydland.

Liv Bod, Bjørn Haaland og Steinar Jonassen var ikkje til stades.