Under Hordaland Fotballkrets si dommarsamling på Voss i helga blei det gjort kjent at Fitjar-dommaren Finn Ingvar Havnerås får prisen «Årets dommar 2010».

Finn Ingvar har dømt trufast og godt i Hordaland i mange år, noko dommarkomiteen i kretsen har lagt merke til. Han har og vist seg som ein pliktoppfyllande mann utanfor fotballbanen. Dei siste åra har han gjort ein stor innsats for å få liv i dommarmiljøet i Sunnhordland, gjennom samlingar og anna rekrutteringsarbeid.

Det er såleis ein velfortent pris som går til Fitjar-dommaren Finn Ingvar Havnerås, fortel Arnor Dingen, leiar for dommarkomiteen i Hordaland Fotballkrets.