Leiar for Osternes Mannskor, Karvel Strømme, hadde under mannskorkonserten søndag gleda av å heidre Gudmund Gloppen, ein korsongaranes superveteran og heidersmann.

Kor mange andre enn Gudmund har sunge i mannskor i 79 år? 

Søndag fekk han utdelt både heidersbevis og medalje for 70 og 75 års lang og trufast teneste for korsongen. 

Publikum i salen hylla han med lang og ståande applaus, men Gudmund sjølv meinte at han ikkje var verdt dette.

– Songen har jo vore min aller kjæraste hobby, dette har ikkje vore noko ork, sa han etter utdelinga.

Men om ikkje Gudmund skulle vere verdt ei slik utmerking, kven skulle då vere det?

Svært, svært fortent, seier me.