Hatlevikbasaren har vore eit årvisst arrangement i Fitjarøyane i nærmare 40 år, men årets basar er avlyst.
Det er eldsjel Rasmus Hatlevik som fortel dette til Fitjarposten i dag. Grunnen er sjølvsagt den spesielle situasjonen som koronapandemien har skapt.
Dei tok avgjerda på laurdag etter å ha rådført seg med ulike offentlege instansar. Til liks med andre tilskipingar som har måtta gi tapt for koronarestriksjonane, må også Hatlevikbasaren gå ut i år.
Hatlevik beklager sjølvsagt, men avlysing var det einaste naturlege, seier han.
Arrangøren reknar med å skipa til basar på vanleg måte i 2021, sjå Facebook-sida Hatlevikbasaren.
