I kveld hadde me nærkontakt med denne ufarlege ormen, som ikkje er ein slange, sjølv om han kan sjå slik ut.

Sleva blir kalla stålorm i bøkene, og er ikkje ein slange, men ei øgle utan bein. Dette er eit heilt ufarleg dyr, som er freda. Det er altså ingen grunn til å gå til angrep på sleva for å ta livet av ho.

Sjølv om enkelte påstår ho er sjeldan på våre kantar, er ikkje det vår erfaring. Ho er rett som det er å treffa i skog og mark her på øya. I kveld låg ho i det svake solskinet ovanfor Dalshhaugane og prøvde å få litt varme i kroppen.


Ei sleva blir 40-60 cm. Foto: Kjetil Rydland.

Dersom du vil vita meir om stålorm, kan du lesa denne artikkelen hos Folkehelseinstituttet.