Det seier Corazon og Einar Skorpen (biletet)  ifrå Os. Og dei snakkar om Fitjar Camping. Her på terrassen utanfor husvogna dei har på campingen. Foto: Håkon C. Hartvedt.

Den første kontakten dei fekk med Fitjar Camping var faktisk gjennom Bergen Caravan AS. Dei var ute etter ei husvogn, og var vist til campingen i Fitjar. 

– No enda det med at me kjøpte bubil i staden, den gongen. Men no har vi skifta til husvogn her på Fitjar, seier paret frå nabokommunen i nord.

At dei trivst godt på Fitjar, treng me ikkje lure på.

– Her har me alt me ønskjer. Med sjø, ro, godt vertskap og kort veg til ferieplassen. Me opplever òg at me vert godt mottekne i bygda, ikkje minst hos «Larsen» og «Rydland» der me handlar rett som det er, seier dei.

– Er det overdrive å seie at de har funne dykkar ferieparadis?

– Nei, det er slett ikkje for sterkt å seie. Berre smør på, ler Corazon og Einar som er her for fjerde året på rad.