Over 30 unge handballspelarar samla i idrettshallen i dag. Foto: Liljan V. Waage.

I dag skipa handballgruppa i Fitjar Idrettslag til handballskule for 29 unge, håpefulle handballspelarar i idrettshallen vår.

Det var ein veldig kjekk dag, fortel handballeiar Liljan V. Waage.

– Dei virka veldig fornøgde, og det klang eit klart og tydeleg «ja» gjennom hallen då eg spurte om alle hadde hatt ein bra dag, seier ho til Fitjarposten.

Instruktør var Bjørn Lindgård frå Norges Handballforbund, region vest, som var instruktør. Handballeiar Lilijan V. Waage fortel at ho har fått god hjelp av Lindgård for å få til dette tilbodet.

Gode hjelpeinstruktørar var fire jenter frå J15-laget til Fitjar Idrettslag; Angelica Lundal, Lorentze Waage, Vilde Heggøy og Malene Ahrens Halleråker. Og dei får mykje skryt av Lijan V. Waage: – Dei gjorde ein kjempejobb heile gjengen!

Sjølv fiksa handballeiar Liljan ein god lunsj, som var sponsa av Rema 1000 på Fitjar. Ho legg til at handballgruppa set stor pris på samarbeidet med den lokale Rema-butikken.

Og lunsjen til handballeiaren såg ut til å falla i god jord. Foto: Liljan V. Waage.
Varierte øvingar skapte stort engasjement. Foto: Liljan V. Waage.
- Annonse -