Fitjar IL sitt gutelag vann søndagens seriekamp 24-18 mot Kjøkkelvik 2, etter ein solid andre omgang.

Laga følgde kvarandre som skuggar heile første omgang, med bortelaget eitt eller to mål framfor. Heilt til det var att tre-fire minutt av omgangen. Men Fitjar nytta sluttminuttane til å snu 9-11 til 12-11, som blei pauseresultatet.

Derfrå og inn gav dei ikkje frå seg leiinga i kampen. Etter kvart seig dei litt frå motstandarane sine.
Og då den gode Fitjar-keeperen Ingvar Rafdal redda straffekast på stillinga 22-17, var kampen avgjort. Fitjar hadde full kontroll i sluttminutta, og kunne notera ein komfortalbel siger 24-18.

Som vanleg spela toppscorar Fredrik Skjerve Jensen (10 mål) ein god kamp for Fitjar. Også denne gongen fekk han frimerke, men denne gongen gjekk han ut på vingen og inn på strek. Dermed klarte ikkje motstandarane å ta han ut av kampen, slik me såg i sist kamp. Elles markerte både keeper Ingvar Rafdal, Joachim Vestbøstad og Vegard Hareide seg positivt,

Fitjar sitt lag (mål i parentes):
Ingvar Rafdal (keeper)
Brynjar Skår Bergesen (keeper)
Vegard Hareide (5)
Emil Fitjar (2)
Eirik Larsen (1)
Adrian Torvund (1)
Joachim Vestbøstad (3)
Fredrik Skjerve Jensen (10)
Jan Salamon Hopperstad (2)