Handballdamene har fått ein bra start på sesongen, og søndag kl 14.00 er det ny heimekamp i idrettshallen, mot Årstad 3.

Anne Sissel Engevik i handballgruppa fortel at handballsesongen er i full gang. Damene har fått ein bra start, og søndag håper dei på fullt hus når dei møter Årstad 3 til seiekamp i 5. divisjon.

Første kampen i haust vann dei så klart som 35-18, mot Salhus. Sist helg gjekk dei på tap mot Bergen 2. Sluttresultatet blei 25-29, men den kampen er truleg den beste kampen dei nokon gong har spelt. Bergen 2 består nemleg av mange svært lovande ungdommar som trener 5 gonger i veka. Det er derfor med optimsme handballdamen ser fram til morgondagens kamp mot Årstad 3.

Anne Sissel fortel vidare at rett etter damekampen i morgon blir det gutekamp. I guteklassen stiller Fitjar Idrettslag berre med 3 lag i årets serie, G9, G10 og G13. Gutane i 10-årsklassen spelar den første kampen sin i morgon, og er naturlegvis fulle av fulle av spenning. Anne Sissel håper det kjem mange tilskodarar som vil heia dei fram.