Rolf-Atle Rolfsnes har sendt både tekst og bilete frå orienteringsløp i Samnanger.

Laurdag 14. mai arrangerte Samnanger IL Hamla Grand Prix, og to bilar frå Fitjar tok turen til skytebanen i Smådalen. Dette var 2. løp i Hordaland si kretsranking, og Ruben Træet vann igjen klasse H11-12N – med 3 minutts margin til neste mann.

I N-Open sprang Jakob Rolfsnes, Daniel Rolfsnes og Jens Ø. Kloster. Alle tre kom fint gjennom løypa, men Jens måtte leita litt etter ein sko som forsvann i myra like etter 1. post.

Fedrene Frode Kloster (C-Open) og Rolf-Atle Rolfsnes (H40) fekk større utfordringar i det krevjande terrenget, og i dei lange løypene var det både mykje stigning og vanskeleg o-teknisk.

Mens fedrene var ute, brukte borna tida på Småtroll-løypa og plukking av leirduer.