Denne sommaren vert det for første gong fast guiding i Fitjar sentrum. Slik skal både turistar og fastbuande få med seg kulturløypa, med kunnskapar på kjøpet.

Tilbodet startar onsdag 27. juni og held fram til Fitjarfestivalen i august. Det er Ann-Sofie Drønen og Kjetil Rydland som vil  formidle spennande kulturhistorie om Håkonarmonumentet, Kongsbrønnen, Fitjar kyrkje og Rimsvarden på denne måten.

Dei er, i tillegg til fleire, kursa av Magnar Kloster, så om det skulle bli problem for nokon av dei å stille ein eller annan onsdag, er det fleire i «bakvakt» som kan steppa inn.

Kvar guidetur startar onsdag kl. 18.00 frå Fitjar Fjordhotell.

-Eit flott nytt sommartilbod, synest me.