Slik såg det ut på sørspissen av Teløyo i dag, på spissen mot Smedholmen. Foto: Arne Mork.

Dagens klage kjem frå Arne Mork, som har vore i Fitjarøyane og sett at grillturistar ikkje ryddar opp etter seg.

Han har vore på båttur i området ved idylliske Smedholmen i Fitjarøyane. Her har andre båtturistar vore før han og øydelagt noko av idyllen. Dei har grilla, og late både eingongsgrill og anna søppel liggja att.

Dette synest ikkje Arne Mork noko om:

– Grillturistar på tur i Fitjarøyane – dette er uakseptabelt! skriv han i meldinga til Fitjarposten.

Han synest dei kan rydda opp etter seg, og det er me heilt einige i!

Dette utsnittet frå kartet viser kor søppelet blei funne, på sørspissen av Teløyo, mot Smedholmen.
- Annonse -