– Ein liten fitjartropp viste at haustforma var intakt under Bergenslekene på Leikvang første helga i september, skriv Bård Inge Bø til fitjarposten.no. Anna S. Bø (t.v.)  gjekk heilt til topps på 60 m hekk. Biletet her er frå Stordleikane. Foto: Dan Torbjørnsen.

Han fortel om gode forhold på søndagen som resulterte i flotte resultat.

Anna Sandvik Bø (11) vann 60 m hekk og sprang inn til 11,63. Det gjev ho henne ei topp-ti plassering i landet på denne distansen i år. Her var erkekonkurent Sofie Mehl Lode berre 5 hundredelar bak.

Clara Wohlrab (12) held fram den jamne framgangen i lengde. Ho kom over den magiske 4 m grensa for første gong med 4,07. Dette gav ein 5.plass i ein rekordjamn lengdekonkurranse (to andre på 4,08), i ei svært hard årsklasse.

Mykje regn på laurdagen
– Laurdagen hadde krevjande forhold for utøvarane med mykje regn. Denne dagen hoppa Clara 1,12 m i høgde (godt bak pers på 1,30) og sprang 60 m.

Johannes Sandvik Bø sprinta inn til ein 2. plass i 9-årsklassen på 40 m. Anna sprang i tillegg 600 m inn til 3.plass på 2.03 (fem sek bak pers) og hoppa lengde.