– Eg gler meg veldig. Det seier den nytilsette rektoren ved Rimbareid skule, Siv Grete Stamnes, til fitjarposten.no

– Eg har følgt litt med på Rimbareid skule i det siste, og sit med inntrykk av at det vert jobba godt ved skulen. No gler eg meg skikkeleg til å bli kjent med store og små i skulekvardagen på Rimbareid, seier ho.

– Kva ser du på som den største utfordringa?

– Det er å finna den rette balansen mellom administrativ og pedagogisk leiing. Det er viktig for meg å vera i skulemiljøet og anda inn atmosfæren i det som skjer, og ikkje gøyma meg bort på kontoret.

Administrering må sjølvsagt til, men eg vonar at eg kan gjera mitt til at den pedagogiske skuleutviklingsdelen òg vert teken godt vare på. I det heile ei stor oppgåve som eg både gler meg til og er spent på, seier Stamnes til slutt.