Flagget gjekk i går til topps hos Fitjar Mek då det vart  kjent at verftet har fått eit nytt ombyggingsoppdrag. Dette oppdraget gjer at dei permitterte kan vera på jobb igjen alt i byrjinga av desember.

Det er PSV-båten Skandi Stolmen som skal byggjast om til å føra mykje ferskvatn og fuel-olje i Brasil. Båten skal i dokk på Halsnøy på søndag, men kjem tilbake til FMV i starten av desember. 

-Dette oppdraget vil vare til nyåret/januar. Me har òg fått ein katalysator-jobb på ein fiskebåt i desember. Og sjølv om det ikkje er heilt på plass enno, vonar me òg at det kan bli litt oppgraderingsarbeid på Skandi Olympia i januar og februar. Så det ser litt lysare ut no, seier ein nøktern, og litt optimistisk, verftsdirektør Hugo Strand til fitjarposten.no