Frå Vidar Larsen har me fått rapport om ein flott tur over fjellet frå Rena til Lillehammer.

Han fortel om ein lag dag, som starta med at reveljen gjekk på Lillehammer i dag morges klokka 04.30. Ein time seinare var alle Fitjar-ryttarane på plass i bussen. Den faste leigesjåføren Bjørn Olav Berg kjørte dei frå Lillehammer til Rena og tok bussen i retur. I bussen var Kjell Tislevoll, Gisle Vik, Grete Vik, Roger Nesbø, Johan Rune Korsvik, Vidar Larsen, Sigurd Underhaug, Odd Sverre larsen, Øystein Helland, Frode Tislevoll og Ørjan Tislevoll.

Førstemann ut av Fitjar-ryttarane var Gisle Vik, og på løpande band kom dei andre, med forskjellige håp for sluttid. – Me fekk ein fantastisk tur over fjellet mellom Rena og Lillehammer i dag, fortel Vidar Larsen til Fitjarposten. Mange gode resultat blei noterte for Fitjar-gjengen, fortel han, dei fleste noterte seg med ny personleg rekord. Fleire forbetra rekorden sin med over 20 minutt. Nokre fekk òg merke, dvs. at dei er innanfor 25 % av dei beste tidene i sin klasse.

Tidene til dei lokale løparane finn me under linken Resultatservice på nettsida til Birkebeinerrittet. Om me søkjer på Klubb – Stord – finn me òg fleire andre kjenningar, som Harald Engevik, Kjell Magnar Helland og Tor Jørgen Larsen.

Vidar Larsen avsluttar med ei stor helsing frå Fitjar- og Stord-gjengen:  
– Dette er eit sykkelritt som høver for alle med moderat sykkeltrening.

comprar esteroides españa