Fitjar IL hadde to lag med i Husnes Cup denne helga; dei vann alle kampane dei spela, og hadde det på alle måtar strålande.

Det er Kjerstin Handeland Stokken som melder dette til Fitjarposten.

Husnes Cup gjekk av stabelen for 18. gong, og det har vakse seg til å bli ei stor overnattingsturnering.  I år var det 73 lag påmeldt, og blant desse var Jenter 11 og Gutar 11 frå Fitjar.

Det blei ei kjekk helg for både spelarar og dei vaksne som var med, seier Kjerstin til Fitjarposten.  Fitjar-gjengen vann like så godt alle kampane sine – fem kvar!

Og dei aller fleste sigrane var soleklare. Det seier målforskjellen samla for dei to laga alt om: 67-18. Det var utruleg mykje godt spel, og Fitjar-laga fekk tilbakemelding om at mange var imponerte over det gode spelet. Så her er det mykje å gle seg over!

Kjerstin fortel elles at opphaldet på Husnes for vellukka på alle måtar. Dei budde på ein skule like ved banane, og maten var godt. Kort sagt var alt heilt topp!

Glade Fitjar-gutar med diplom og pokalar på Husnes. Foto: Privat.