Publikum følgde spent med då Geir Skeie prøvesmakte kakene. Foto: Håkon C. Hartvedt

14 glade kakebakarar leverte inn kake til konkurransen om Fitjar sin beste kake, som Geir Skeie skulle kåra. Vinnar vart Gerd Træet med ei svært velsmakande dronningkake.

Geir kunne elles fortelja om mykje god kvalitet på alle kakene. Om Gerd si sa han at den smakte svært godt, og at den òg var den mest teknisk vanskelege kaka å laga.

Etterpå fekk dei tilstadeverande smake på godsakene. Og for ordens skuld: Geir visste sjølvsagt ikkje nokon ting om kven som hadde bakt dei forskjellige kakene, som var nummerert frå 1-14.

-Overraskande, men svært hyggjeleg, var Gerd Træet sin kommentar etter kåringa. (Som eit artig apropos dei som ikkje veit det, kan me jo leggja til at Gerd var Geir sin lærar i heimkunnskap då han gjekk på ungdomsskulen).

Publikum følgde spent med då Geir Skeie prøvesmakte kakene. Foto: Håkon C. Hartvedt