Det er ikkje så ofte ein har garasjesal. Men det har ein i dag i Fitjarstølane.

Det er Mona Heggøy som har fylt garasjen i Stølen 10 med mange ting som ho ikkje lenger har bruk for, men som andre kanskje synes er kjekke å ha.

– Greitt å få vekk noko av det som «er til overs», og samstundes er dette veldig sosialt, smiler ho.

Slik vart det òg. Fleire av dei besøkjande sette seg ned med ein kopp kaffi og vaffel etter å ha vore runden i garasjen. 

Utsalet held ope til kl. 16.00 i dag.