Politiet fekk klokka 10.30 i dag melding om brann i eit bustadhus i Bakken i Fitjar. Då Fitjarposten kom til plassen var det full fyr inne i stova.

Brannsjef i Fitjar, Tore Nesbø, som leia sløkkingsarbeidet, fortalde at ting tyder på at brannen starta i kjellaren, sidan flammene stod ut av vindauga der då dei kom til plassen, utan at han dermed vil fastslå noko. Ingen var i huset då brannen starta.

Sjølv om ein fekk hjelp frå brannkorpset på Stord, lukkast det ikkje å berge huset. Flammane tok seg opp att etter at det såg ut til å vera sløkt, og det var igjen full fyr.

Til slutt slo flammane  igjennom mønet. Halve taket er no borte og skorsteinen glimer naken  midt mellom forkulla plankar og sperr.

– Med den vinden det var i dag, er me glad me kom kjapt til. Hadde dette fått ta seg ut, kunne òg nabohuset vore i fare, kommenterer brannsjef Tore Nesbø, overfor fitjarposten.no

På grunn av ubehageleg og sterk røykutvikling vart borna i Bakken barnehage sendt heim.

Brannårsaka er førebels ukjent.