Verftsdirektør Hugo Strand i Fitjar Mekaniske. Foto: Fitjar Mekaniske/Håkon C. Hartvedt/Fitjarposten

– Eg håper ikkje me kjem dit, for me har ikkje éin skipsbyggjar å miste, seier verftsdirektør Hugo Strand.

Verftsdirektør Hugo Strand ved Fitjar Mekaniske seier til E24 at dei i dag tapar kring 100.000 kroner om dagen som følgje av betydeleg redusert aktivitet.

Men det er iallfall arbeid på verftet. Med ei ordrebok på 1,2 milliardar kroner så vil det vere aktivitet ut året. Strand er meir uroa over kva som ventar til neste år.

– Om situasjonen vevarar og nybyggingsaktiviteten vert redusert, kan det gå mot reduksjon i bemanninga, seier Strand til nettstaden.

– Eg håper ikkje me kjem dit, for me har ikkje éin skipsbyggjar å miste.

Ser svært mørkt ut

Heile skipsbyggingsbransjen i Norge er uroa over kva dei neste åra måtta bringe. Analytikar Anders Helseth i Menon Economics seier det er først i 2021 og 2022 ein verkeleg vil sjå konsekvensane av koronakrisa for norske skipsverft.

– 2020 skulle vere starten på ein periode med positive bunnlinjer. Men no ser framtida igjen svært mørk ut for verfta. Om eitt til to år kjem dei ikkje til å ha noko å gjere, er dei dystre spådomane til Helseth.

Strand på Fitjar er ikkje fullt så pessimistisk. Han trur redninga kan vere å satse meir mot fiskeri- og havbruksmarknadane.

– Det skal byggast mykje for desse marknadane også i åra framover.