Ola Fitjar Hjelle unner seg ein kvil etter å ha sprunge gjennom løypa.

Ein stor flokk friluftsinteresserte møtte opp til kaffi og fiskekaker under gårsdagens tilskiping i og rundt ballbingen i Rossneset.

Det har etter kvart blitt ein fin tradisjon at Fitjar Idrettslag og NFU Stord Fitjar inviterer til «Friluftsliv for alle» i Rossneset. Initiativtakar til prosjektet er Astrid Larsen frå Stord, og arrangør var NFU, saman med friidrettsgruppa og o-gruppa i Fitjar Idrettslag.

Frammøtet var ikkje fullt så stort som i fjor, men vel 50 store og små frå Fitjar og Stord møtte opp i det gråvêret og fekk ein solid dose friluftsliv. Arrangøren hadde fire ulike løyper på menyen, frå det heilt enkle på leikeplassen til eit løype på 15-20 minutt i området rundt.

Det vart ikkje mykje konkurranse i den lengste løypa, og det var berre tre som fullførte den. Dei fleste frå NFU tok den korte runden og koste seg med fiskekaker og kaffi etterpå. Nokre var òg innom friidrettsgruppa sine aktivitetar. 15 o-løparar frå Fitjar deltok, og mange var veldig ivrige, så det var ikkje nok med éin runde – heller ikkje to. Fleire av dei unge gutane prøvde seg på alle dei tre kortaste løypene.

Ikkje alle kom tørrskodde frå gårsdagens utearrangement, men me vil tru at friluftsfolk står for ein støyt.

Leiar i o-gruppa, Øyvind Skålevik, var som vanleg i fremste rekkje.
Orietering på 1-2-3. Bruksanvinsning for nybyrjarar og andre.
Jens Øien Kloster fekk lite konkurranse denne gongen. Foto: Kjetil Rydland.
Rolf-Atle Rolfsnes ønskjer ein flikk frå Stord velkomen. Foto: Kjetil Rydland.
Håkon Øien Kloster tar ei av dei kortaste løypene som oppvarming. Foto: Kjetil Rydland.