Fullt vart det ikkje. Langt derifrå. Men det var likevel bra med ungdom til stades då KRIK, Ten-Treff og IUF gjekk saman om ungdomsopplegg i Idrettsbygget, fredag kveld.

Første delen av kvelden tok ein gjeng ungdomar frå Bibelskolen på Bildøy seg av. Dei bar med seg både show, alvor og kristen utfordring til fitjarungdomen. Så blei det kiosk med pølsar og brus i foajèen, før Bård Inge Sørfonn og Terje Andreassen samla fitjargjengen til turneringar i Idrettshallen.