Vintercup-en er i gang. For ein gong skuld i godt haustvèr, ikkje slikt sipregn som har prega cup-en dei siste åra. Me fekk med oss to kampar, og mange flotte prestasjonar i kveld.

Damekampen mellom Bakken/Havn og Dåfjord var ein tøff batalje der Dåfjorden til slutt gjekk av med sigeren med knappe 4-3. Ikkje minst var det fleire flotte einskildprestasjonar her.

I herrekampen mellom Stratos og Vestbøstad, såg det lenge ut som at Vestbøstad hadde god kontroll på kampen, men eit Stratos-mål heilt på slutten, gjorde at kampen endte 2-2.

Kampane fortset i morgon. (Sjå kampoppsettet i nettsaka til Kjetil Rydland frå i går.)