Her kastar dei seg over fiskesuppa frå Engesund Visningssenter.

I går skipa Friluftsrådet vest til samling på Langøy i Fitjarøyane, og det blir meldt om god stemning, sjølv om berre 16 møtte fram.

Utsikt frå Langøy over flytebryggja innover mot Stordøya.

Venelaget for Longøyo var godt representert, og Bård Inge Bø fortel om stor aktivitet i det variable laurdagsvêret.

Astrid Larsen, styreleiar i Friluftsrådet vest, oppsummerte dei siste tre åra med Longøyo. Det nyrestaurerte eldhuset blei innvigd, og det blei orientert om dei vidare planane for Longøyo framover.

Ingolv Rimmereid framførte eit steingardsstev, og Annar Westerheim, styremeldem i Friluftsrådet vest, proklamerte dikt. Dagens rett var fiskesuppa frå Engesund visningssenter, og den var knakande god, vert det meldt.

Til slutt tok gjengen seg ein tur litt rundt på øya for å sjå på steingardar, steinbrot og gamle grunnmurar som vonleg ein gong kan få tak på seg igjen.

– Ein dag der endå fleire kunne vore med, seier Toralv Røen, men Langøyo ligg der og er tilgjengeleg for alle! I eldhuset kan ein overnatta,  liggjeunderlag, sovepose og mat må du ta med, så kan det bli ei triveleg stund!