Trenar Bård Inge Bø er hare, og hakk i hæl kjem Johannes halsande. Foto: Kjetil Rydland.

Måndag kveld skipa friidrettsgruppa i Fitjar Idrettslag til testløp over 600 meter, og sterkast av alle var 13-åringen Johannes Sandvik Bø.

Stordleikane går av stabelen i tidsrommet 9.–11.august 2019 på Stord stadion. Som vanleg vil Fitjar vera godt representert, og måndag kveld viste fleire av dei lovande løparane våre at dei har halde treninga godt ved like i sommar.

Trenar Bård Inge Bø stilte som «hare», og drog dei unge løparane fram til ei rekkje gode tider. Best av alle blei 13-åringen Johannes Sandvik Bø, som kom inn på den sterke tida 1.37,64. Med det var han eit par sekund føre far sin. Også dei andre ungdommane viste solid form, ikkje minst Halvor Livastøl Aga og Marius Pedersen.

Dei tre største gutane sette alle personlege rekordar, Halvor med 10 sekund, Johannes med 7 sekund og Marius med eitt sekund. Og Ole Jakob Wiik debuterte på distansen, så det er vel ei form for pers det òg.

Bjart og Johannes Sandvik Bø saman med Marius Pedersen t.h. etter løpet. Foto: Kjetil Rydland.

Her er resultatlista:

Johannes Sandvik Bø (13 år)     1.37,64
Bård Inge Bø (senior)                 1.39,26
Halvor Livastøl Aga (14 år)       1.42,86
Marius Pedersen (12 år)            1.44,10
Anna Sandvik Bø (15 år)            2.00,92
Bjart Sandvik Bø (12 år)            2.05,80
Ole Jakob Wiik (rekrutt)            2.24,29

 

Finn Ingvar Havnerås har ikkje meldt seg på Stordleikane Foto: Kjetil Rydland.
- Annonse -