Store, fine blåbær to meter frå fylkesveg 545. Foto: Kjetil Rydland.

Det er framleis blåbær å finna om du leitar på rette staden, til dømes like ved fv. 545.

I år har det ikkje strøymt på med meldingar om blåbær, og sant å seia har det sett litt grisent ut på vanlege blåbærplassar i skogen. Men det er slett ikkje nokon grunn til å gi opp. Like ved fylkesveg 545 fann me store, flotte blåbær i rikt monn laurdag ettermiddag.

Sjølv om blåbæra allereie har vore modne ei stund, er ikkje skogen ferdigplukka enno. Du kan vera heldig og finna rike førekomstar, slik me gjorde i går. Det er meldt mykje fint vêr i veka som kjem, så det er berre å finne fram spann og bærplukkar.

P.S. Me avslører sjølvsagt ikkje kor me har vore!

Her er det mykje blåbær å finna. Foto: Kjetil Rydland.