Juniorlaget til Fitjar spelte ein flott kamp og vann lett 3-0 over Løv-Ham måndag kveld.

Dei unge løvene frå Bergen vest hadde eigentleg ingen sjanse då Fitjar-juniorane sette opp farten på kunstgraset i kveld. Fitjar leia 2-0 ved pause etter scoringar av Adrian Mehammer (straffe) og Frode Malkenes.

Etter pausen overtok Fitjar meir og meir, med god rørsle og stor fart på ballen. Løv-Ham-spelarane klarte ikkje å henga med, og dei var heldige som slapp med den eine scoringa til Sebastian T. Thomassen midt i andre omgang. 3-0 var ikkje eitt mål for lite for friske og lettbeinte Fitjar-gutar.

LøvHam-spelarane hang ikkje med i svingane, og dommar Trond Arnevik hadde meir enn nok med å halda styr på kortstokken etter kvart som løvene kom for seint inn i den eine duellen etter den andre.

For Fitjar-fotballen er det oppløftande å sjå at ungdommen stormar fram. Dei fleste manglar enno litt på A-lagsstandard, men med litt meir kjøt på beina bør dei kunna klara seg mot tøffare motstand enn dei møtte i kveld.

Fitjar stilte med dette laget:
Brynjar Skår Bergesen, Thomas Solli Koløen, Torkel Nesbjørg, Sander Tverborgvik, Johannes Myhre, Emil Fitjar, Ørjan Søreide Nordvang, Mats Westvik, Frode Malkenes, Adrian Mehammer, Sebastian T. Thomassen. Innbytarar: Hafsteinn Runarsson, Rolf Solli, Arild F. Waage, Sigve Hjelmen.