Velfortente blomar til Roald M. Nilsen, Geir Tore Søreide, Svenn Olav Hatlevik, Knut Henriksen, Leon Aasheim og Olaf Aarskog. Foto: Kjetil Rydland.

Under 40-årsfesten laurdag kveld gjorde fotballgruppa ære på eldsjelene som starta opp organisert fotball i Fitjar, og ungdommane som vann vintercupen i år.

Konferansier Ole Bergesen styrte festen med stødig hand. Fire av pionerane blei æra med velfortente blomar, overrekte av dagens leiar i fotballgruppa, Sonja Fitjar Waage. Frå A-laget i 1969 møtte Svenn Olav Hatlevik, Knut Henriksen – den første leiaren i fotballgruppa – , Leon Aasheim og Olaf Aarskog. Vidare fekk veteranane Geir Tore Søreide og Roald M. Nilsen sine velfortente blomstrar for aktivt engasjement gjennom 40 år.

I  løpet av kvelden blir det òg premieutdeling frå årets vintercup. Her vil dei «tradisjonelle» vinnarane frå Vestsbøstad i dameklassen få sin premie. I herreklassen fekk me i år eit resultat som peikar meir mot framtida. Storavatnet jr. – med mange veldig unge A-lagsspelarar på laget – vann ein velfortent siger. Ei oppløftande avslutning på sesongen for ein gjeng ungdommar som har kjempa for å unngå nedrykk med A-laget til Fitjar. Sigeren i vintercupen må vera ei oppmuntrung før vinterstormane set inn.

Velfortente blomar til Roald M. Nilsen, Geir Tore Søreide, Svenn Olav Hatlevik, Knut Henriksen, Leon Aasheim og Olaf Aarskog. Foto: Kjetil Rydland.

 

Leiar i Fitjar Idrettslag Elin Siglen hadde lovord og ei gåve med seg til fotballeiar Sonja Fitjar Waage. Foto: Kjetil Rydland
Leiar i Fitjar Idrettslag Elin Siglen hadde lovord og ei gåve med seg til fotballeiar Sonja Fitjar Waage. Foto: Kjetil Rydland