Fitjar IL sitt damelag gjer comeback i seriesystemet i år, og opna sesongen med siger over NHH.

Etter fleire års fråvær stiller Fitjar igjen med damelag i fotballserien, også denne gongen med 7-arlag. I det finaste vårveret på eit år fekk eit talrikt og engasjert publikum sjå eit spanande og målrikt oppgjer på kunstgrasbanen.

Ved pause stod det 5-5, men i andre omgang reiv heimelaget til seg eit visst overtak. Flotte scoringar av Marita Louise Helland (7-6) og Anne Kristin Skår (8-6) på slutten avgjorde kampen for Fitjar. NHH klarte berre å kvittera for det eine målet, og dermed kunne Fitjar-damene jubla for 8-7-siger i comebackkampen.

Neste heimekamp er søndag 10. mai; terminlista finn du på sidene til Hordaland Fotballkrets.


Anne Kristin Skår blir gratulert med 8-6-scoringa av Elin Kvia Rydland. Foto: Kjetil Rydland.

Laget til Fitjar:
Rachel Helland, Aina Vestbøstad, Lisa Volden, Martine Hareide, Elin Kvia Rydland, Else Mari Grimen, Marita L. Helland, Britt Lise O. Volden, Anne Kristin Skår, Anne Brakedal, Lene Lie Zachariassen.