Tone S. Brakedal og Ådne K. Vik har vore på Fana Stadion denne helga og gjort det godt i Gneistspelen.

Fitjar-friidretten sine to flaggskip, Ådne K. Vik (14) og Tone S. Brakedal (13), gjorde ikkje skam på moderklubben denne gongen heller. Tone vann gull på 60 m med 8,62 etter ein svak start. Nok eit gull fekk ho på 60 m hekk med den flotte tida 10,49. Begge tidene er noko bak pers. Og endå eit gull blei det i lengde med 4,70 m, seks små cm bak pers.

På 100 m såg Tone seg nøydd til å gå opp ein årsklasse for å få konkurranse. Så i knivskarp tevling med 14-åringane viste ho nesten alle ryggen, med tida 13,62. Med andre ord sølv på ein distanse Tone ikkje har sprunge på fleire år! I høgde vart det ein ny sølvmedalje med pers på 1,45 m, som truleg var det aller sterkaste resultatet hennar denne gongen.

Og la oss ikkje gløyme Ådne Vik som svinga seg over 1,50 m i den jamne høgdekonkurransen for 14-åringane. Klar ny pers, 4.-plass, og endå ein barriere broten for Ådne!