Berner Haukeland syns det var kjempekjekt å springa orientering, og

Orienteringsgruppa inviterte til orientering og grilling i Rossneset i dag. Mange små og store fann fram og fekk ein flott dag i skogen med kart i handa.

Turen starta ved Klubbhuset ved idrettsparken der ein fekk utdelt kart og blyant. Så bar det innover vegen på jakt etter postar med oppgåver. Løypa haldt seg stort sett til vegen så det var lett å halda rett kurs innover. Oppgåvene var varierte og kjekke, og passa både for små og store.

Inne ved benken var det tent opp bål og klart for grilling av pølser. Det var spent opp ein presenning for å halda regnet vekke, og regnet haldt seg langt vekke heilt til orienteringa var over.

Etter å ha fått litt mat i kroppen var alle små, og ein del store, klare for stjerneorientering. Dette var skikkeleg orientering der deltakarane i tillegg til å ha kart sprang med brikker som registrerte både kva postar dei hadde vore innom og kor lang tid dei hadde brukt. Det var stor aktivitet under stjerneorienteringa, og alle fann fram til alle postane til slutt.

Nokre hadde kvidd seg litt med å dra avgårde i dag, og å måtta kle på seg så mykje for å halda både regn og kulde ute, men vel ute i skogen var det ingen lenger som klaga, og alle takkar orienteringsgruppa for ein flott ettermiddag i skogen!

Berner Haukeland syns det var kjempekjekt å springa orientering, og «stemplar» her på posten midt i stjerna.