Hotelldirektør Ronald Hareide på Fitjar Fjordhotell var snar med å stengje dørene. Foto: Håkon C. Hartvedt/Fitjarposten

Ei av fem verksemder på Fitjar som får innvilga støtte frå regjeringa som følgje av bortfall i inntektene for mars.

Totalt er det 41 bedrifter på Stord som får kontaktstøtte for mars månad, og fem bedrifter på Fitjar. Næringslivet på Stord får til saman nesten 1,3 millionar kroner i støtte.

For Fitjar kommune sin del er det utbetalt 179.264 kroner i kontantstøtte.

Den bedrifta på Stord som har fått aller mest i støtte er Aritech. Dei kan notere seg over 184.000 i krisehjelp frå regjeringa.

Fitjar fjordhotell står også høgt på lista over utbetalingar, med over 132.000 i støtte. Dei er det einaste av hotella på øya som har fått kontaktstøtte for mars.

Det betyr også at Fitjar Fjordhotell utgjer nesten heile den totale summen som er utbetalt til verksemder i Fitjar.

Her kan du sjå kor mykje pengar verksemder på Stord og Fitjar har fått i kontaktstøtte for mars månad (berre bedrifter som får over 14.000 i støtte er teke med):

Aritech AS – 184.184,-
Stord Tannregulering – 65.155,-
Tannlege Morten Danmo AS – 54.108,-
BK Stord AS (Burger King) – 48.646,-
Bakeriet Frugård – 95.433,-
Stord Restaurant Drift AS (Samson) – 85.139,-
Brilleriet Stord AS – 24.653,-
Brilleriet Heiane AS – 33.434,-
Sunnhordland Trafikkopplæring AS – 51.335,-
Lindas Gym AS – 30.830,-
Hardnor AS – 50.979,-
Saxen Frisør Stord AS – 14.834,-
Ramsvik Frisør Stord AS – 26.891,-
Charisma Hårdesign AS – 23.647,-
Alfa Hårstudio rr AS – 20.085,-
Ezzenz Heiane Storsenter AS – 19.564,-

Fitjar:

Fitjar Fjordhotell AS – 132.416,-
Fitjar Småbåt AS – 17.959,-
Hår Loftet AS – 15.037,-