Glade friidrettsungdommar frå Fitjar på toppen av pallen etter sigeren i stafett på Stord. Foto: Privat.

Fitjarungdommar markerte seg i Stordleikane

Fitjar Idrettslag hadde ein fyldig tropp med ungdommar på startlista i Stordleikane denne helga, og oppnådde fine resultat og gode plasseringar.

Aller best gjekk det i stafett for gutar 11-12 år 4×100 meter. Her gjekk dei heilt til topps, etter hardtrening på å perfeksjonera vekslingane.

Med på laget var 1. etappe Johannes Sandvik Bø (12), 2. etappe Marius Pedersen (11), 3. etappe Bjart Sandvik Bø (11) og ankermann Marius Kongestøl Vik (12).

Marius Pedersen (11) markerte seg solid igjen med siger både på 40 meter og i lengde. Han fekk andreplassar på 60 meter og på 600 meter og ein tredjeplass på 200 meter, der han sprang mot 13-åringar.

Johannes Sandvik Bø (12) sette personleg rekord på 60 meter hekk med 10,86, og fekk med det ein sterk andreplass. Høgdehoppet på 1,31 gav fjerdeplass og 60 meter, som gjekk unna på 9,24, gav same plassering. Bjart Sandvik Bø (11) vann høgde med pers på 1,22 meter.

Marius Torbjørnsen viser igjen at han er stabil rundt 1,60 meter i høgde med tilløp. Særleg eit forsøk på 1,63 var hårfint riv, og dermed blei han vart ståande med 1,59 meter denne gongen. Anna Sandvik Bø (14) vann 800 meter på 2.47, og kom på fjerdeplass på 60 meter med 9,07.

Nina Aarbø Olsen sprang 1500 meter i kvinner senior, og sette klubbrekord i Fitjar for kvinner med tida 5.08,02.

Eirk Torbjørnsen (13) sette ein fin pers i høgde med 1,26, men han viste at han har meir inne, understrekar friidrettstrenar Bård Inge Bø.

Elles gjorde rekruttane Mikael Kongestøl Vik, Samuel Aarbø Olsen, Tori Torbjørnsen, Gard Sandvik Bø, Olve Torbjørnsen, Jonas og Guro Dalen at Fitjar-troppen totalt var på 15 aktive.