Det kom blant anna tydeleg fram då Fitjarfestivalen vart arrangert i august. Dei som ikkje hadde høve til å yte noko då, er velkomne i morgon.

Kultur- og informasjonssjef Bente Bjelland er på tråden og fortel om arbeid som vart gjort i sentrum i ettermiddag. Alle hellene ved den gamle brannstasjonen  er gravne opp. Desse skal fraktast til Årskog og spylast. Dugnadsflokken var ikkje så stor, men Bente oppfordrar til større innsats i morgon. Ho understrekar at arbeidet høver både for kvinner og menn; jamfør eit av bileta. Kven som helst er velkomne. Me legg til for eiga rekning at det høyrest ut som arbeidslaget hadde det kjekt i lag,  både til nytte og glede.