Tidlegare har både Karl Gloppen og Hermann Inge Aadland vore der. Førstkomande søndag vil ein ny fitjarbu vere å høyre på same plassen. Me snakkar om den populære «Sangtimen» til Nils Abrahamsen på NRK P1.

Fitjarbuen du får høyre søndag morgon er Odd Bjarte Eide, bror til Eirik Eide. Han bur no i Skjetten i Skedsmo kommune i Akershus, men har framleis hytte på Fitjar.

Om songane han har valt ut til programmet på søndag, seier han: – Dette er songar eg opplevde å bli kjende med under oppveksten.

Frå lokal ståstad kan det vere greitt å trekkje fram at me mellom anna høyre igjen Rasmus Rydland og Fitjarkvartetten i songen «Eg møter så ofte».

– Dei var svært populære i min ungdom, seier Eide.

– Sjølv likar eg òg svært godt å syngje – i dusjen, smiler han, til slutt.