Politiet fekk i kveld kl. 19:15 melding frå ei kvinne, busett på Fitjar, om at ein kjenning av ho raserte inventar i huset hennar og kasta knivar etter ho. Ein mann i 30 års alderen er pågripen og innbrakt til sentralarresten i Haugesund der han no sit i varetekt.

-Kvinna klarte å koma seg ut av huset og fekk kontakt med politipatruljen som vart sendt til staden. Pågripinga skjedde utan dramatikk, opplyser operasjonsleiar Harald Aase i Haugeland og Sunnhordland politidistrikt.