Fitjar tok sin andre seier på 5 dagar og kan dermed ta ferie på 9. plass i serien. Fitjar har dermed tatt steget opp frå nedrykksplassane. Fitjar starta kampen best i Norheimsund og var til tider både gode og effektive og leia 2-0 før det var gått ein halvtime. Ein hadde også ein stor sjanse til der Kjell Magne Halleraker var gjennom åleine med keeper. Når det er sagt så hadde også Norheimsund sine sjansar i første omgang og Torstein Myhre stod nok ein gong godt i Fitjar målet.

Andre omgang starta Norheimsund hardt ut og presse oss tilbake og me hadde store problem med å koma ut av forsvaret. Og for Norheimsund gav det resultat i form av scoring. Etter kvart kjem me høgare på banen og skapar på ny sjansar og etter 78 minutt er Kjell Magne Halleraker gjennom og vert felt av keeper. Han tar sjølv straffa og sett den i mål. Keeper vert utvist og Norheimsund må spela dei siste 10 minutt med 10 mann.
Nok ein gong set Norheimsund inn press på oss og får redusering 2 minutt før slutt tid gjennom ein straffe etter hands på Åsmund Sørfonn. Resten av kampen vart nervepirrande, men gutane klarde å ro av stormen og Fitjar tok 3 velfortente poeng og kan ta ferie med godt samvit.

Torstein Myhre var nok ein gong god i Fitjarmålet, men me vil og trekkja fram heile laget for god innsats. Kjekt var det også at 8-10 Fitjar supportarar var med.

Me ser fram til ein spanande haustsesong.

Trur du Fitjar vil halda seg i 3. div?