A-laget til Fitjar gjekk i år heilt til topps i Vinterserien der sju lag frå 4.- og 5. divisjon i Sunnhordland tok del. I dag vart dei overrekt ein mildt sagt diger pokal før treningskampen mot Norheimsund i Fitjar Idrettspark.

Det var Rune Kvernenes i arrangørklubben Rubbestadnes IL som gratulerte og overrekte pokalen til kaptein Øyvind Fykse Lie, og jubel vart det, både ifrå han og dei andre, når dei kunne løfte pokalen i vêret. 

Fitjar spelte fem kampar i turneringa, og bortsett ifrå eit tap mot Trott, vann dei  alle kampane sine, noko som lovar godt framfor seriestarten seinare i denne månaden.