A-laget til Fitjar vann ein ny klar siger i 5. divisjon i dag, då dei slo Rosendal 5-0 på bortebane.

Fitjar har komme svært så godt i gang i årets 5. divisjon. Etter ei flott serieopning med 5-2 mot Trott sist helg gjekk turen i dag til Rosendal, eit lag som dei hadde store problem med i fjor. Denne gongen hadde ikkje gutane frå baronibygda mykje å stilla opp med. Fitjar kunne reisa heim med tre nye poeng, etter ein strålande kamp.

Ein godt fornøgd Fitjar-trenar, Kjell Træet, melder om knallgod lagmoral og svært god innsats av heile gjengen i dagens kamp.

Etter sigeren mot Rosendal ligg Fitjar heilt i toppen av årets 5. divisjon med seks poeng etter to kampar. Neste kamp for for A-laget blir heime mot Os 2 søndag 29. april kl. 16.00.