Denne båten vil me gi vekk, seier Kjetil Grimen, Arnt Helland og Oddvar de Fine på Fitjar Småbåt. Foto: Kjetil Rydland.

Den 1. desember la firmaet Fitjar Småbåt i Årskog ut julekalender med berre éi luke, men til gjengjeld har videoen her teke heilt av og fått over 60 000 treff på Facebook!

I julekalenderen på Facebook skriv Fitjar Småbåt at dei ønskjer å gi vekk ein båt. Om du har lyst på ein Aquaquick 230 til ein verdi av 6000 kroner, treng du berre å lika Facebook-sida. Då er du med i trekninga.

Responsen frå publikum har vore over all forventning, synest dagleg leiar, Kjetil Grimen. I dag har dei komme opp i over 62 000 treff, og heile 1700 likarklikk!

– Det er for det meste interesserte lesarar i vårt kundeområde, seier Grimen, som har lagt merke til Facebook-lesarar i Fitjar, Stord, Bømlo, Tysnes, Kvinnherad og Austevoll.

Det var Grimen som kom på ideen om ein litt original julekalender, saman med eigar og medarbeidar Oddvar de Fine. Og som sagt så gjort; Kjetil fekk med seg dottera, Tuva, som laga videoen med far i hovudrolla.

Videoen kan du nyta på Facebooksida Fitjar småbåt og fritidsservice.

Grimen og medarbeidarane på Fitjar Småbåt gler seg naturlegvis stort over å nå så mange via denne videoen på Facebook. Dei ventar inn nye sendingar med båtar før jul, og ser fram til at nye og gamle kundar kjem innom

Og så gler dei seg litt ekstra til jul i år; trekninga av den nemnde gummibåten skal skje på sjølvaste julaftan!

- Annonse -

 

Fitjar Småbåt AS

  • Fitjar Småbåt AS er det nye namnet på Fitjar Småbåt og fritidsservice.
  • Namnet er nytt, men tenestene er som før, med service på båtmotorar, vedlikehald av båtar og vinterlagring.
  • Auka kapasitet på verkstad og sal.
  • Sal av båtar frå Pioner og motorar frå Yamaha.
  • Mange båtmodellar frå Pioner og Steady på lager.
  • Omsetadsauke – passerer 6 millionar i 2018.
  • Firmaet har fire tilsette i full jobb; Oddvar de Fine, Arnt Helland, Oliver André Matre og Kjetil Grimen.