Fitja Skulekorps jublar i Stavenger.

Fitjar Skulekorps er i Stavanger og har delteke i NM for skulekorps brass, der det blei ein fin sjetteplass.

Norsk Musikkorps Forbund arrangerer i NM skulekorps kvart år i Stavanger. Og her plar Fitjar Skulekorps vera med i fremste rekkje.
I fjor blei det ein 12.-plass på våre brave gutar og jenter, ei plassering dei ikkje var fornøgde med. Dirigent Svein Roger Koppang vedgår at dei var spente på både programval – Sinfonietta No. 2 – og framføring, etter som dei kom så pass langt ned på lista i fjor. Men i år gjekk det mykje betre, og i dag jublar dei over ein sjetteplass, blant 14 deltakarar.

Dette lar seg så absolutt høyra, meiner dirigent Svein Roger Koppang, som fortel at dei er strålande fornøgde med eigen innsats.

– Vi fekk skryt for klang, rytmisk samspel og for solistane våre, seier den fornøgde dirigenten..

Dommarane kommenterte også at det er imponerande at Fitjar har eit så solid og flott korps i bygda, legg Koppang til. No tek korpset snart sommarferie, men først blir det ein liten konsert i Kongeparken, etterfølgt av mengder av sukkerspinn og karusellar.

Skulekorpsdirigenten ønskjer god sommar, og me gratulerer og seier takk det same! 

- Annonse -