Kyrkjelydsprest Nobu Imazu var til stades då KRIK starta opp att etter ferien. Her fortel han litt om opplegget sist fredag. Han har tatt bileta som følgjer med.

Fitjar sokneråd starta opp att  med KRIK – trening i Kulturhuset fredag 4. september. Då var huset fullt av idrettsglade ungdommar. KRIK er forkorting for Kristen Idrettskontakt, som vart stifta av idrettspresten Kjell Marksett i 1991.  KRIK ønskjer å bevare, inspirere og vinne idrettsfolk til kristent liv. I dei siste åra har Fitjar KRIK hatt trening i Kulturhuset kl 20.00 – 22.00, men no er tidspunktet flytta til 19.00 – 21.00.

Nobu fortel at ungdommane kosa seg med fotball, innebandy og andre aktivitetar, og lytta til andakt med stor oppmerksomhet. Til slutt fekk dei gratis pølser. Det er gledeleg at Fitjar KRIK har fått fem nye medarbeidarar som er mellom 15 og 16 år.

Soknerådet planlegg å starte U-cafè (ungdomskafè)  i Kulturhuset fredag 11. september, men det trengst fleire medarbeidarar og tilsynsvakter. Ta gjerne kontakt med Nobu dersom du vil vere med. (Mobil 90938165 eller mail noim@fitjar.kommune.no).