Sju unge utøvarar frå Fitjar Karate Senter har vore til Sandnes i helga, og henta heim sju medaljar.

Japan Karate Association Norway sin vertsklubb i Sandnes arrangerte cup laurdag 15.november. JKA junior Cup i Lurahallen hadde over hundre deltakarar, fordelt på forskjellige årsklassar t.o.m. 18 år. Blant alle desse gjorde dei unge utøvarane frå Fitjar det svært godt.

Best av alle gjorde 8-åringen Chayenne Berntsen det; ho vann gull i sin klasse i kumite (kamp) og bronse i kata (mønster). Men alle dei andre gjorde også ein oppløftande innsats:
Christina Koløen: sølv i kata (mønster) og bronse i kumite (kamp).
Edith Helland: bronse i kata (mønster) og bronse i kumite (kamp).
John Inntveit: bronse i kata (mønster).
Rebecca Koløen: 4. plass i kata (mønster).

Instruktør for Fitjar Karate Senter, Sukhwinder Koløen, var med som dommar. Med på turen var elles ein del engasjerte foreldre, som følgjer klubben trufast.