Leiar i Fitjar IL, Gisle Levåg, framfor kunstgrasbana. Arkivfoto: Kjetil Rydland.

Grasrotandelen har vore ein suksess heilt fra starten i 2009, og i fjor kunne Norsk Tipping dela ut nesten 700 millionar kroner til norske lag og organisasjonar. Største mottakeren i Fitjar var som vanleg Fitjar Idrettslag.

Idrettslaget er den klart største organisasjonen i Fitjar, og kunne i fjor innkassera 113 698 kroner fra 247 spelarar i Norsk Tipping. På ein klar andreplass kom Fitjar Skyttarlag, som fekk 47 230 kroner fra 74 givarar.

Grasrotandelen fordelt på mottakere i 2019 (excel)

Grasrotandelen blei starta opp i 2009, og det første året genererte vel ein halv million givarar 210 millionar kroner til glade mottakarar. Ordninga har vist seg som ein suksess, og i fjor var talet på spelarar kome opp i 1 246 000, og spylinga feira skaffa til saman 698,3 millionar til mottakarar som dei har valt sjølve.

Grasrotmottakarar i Fitjar i 2019:

Slik fungerer Grasrotandelen

Grasrotandelen fungerer slik at du kan gi inntil sju prosent av summen du spelar for hos Norsk Tipping til eit frivillig lag eller ei foreining som har registrert seg som grasrotmottaker i Frivillighetsregisteret i Brønnøysund.

Dersom du er grasrotgivar og spelar Lotto for 100 kroner, gir du automatisk sju kroner til din grasrotmottaker. Dette skjer uten at det går ut over speleinnsatsen, premien og vinnersjansane dine.

Ved å registrera ein grasrotmottakar sørgjer du dermed for at det er nokon som vinn kvar gong du spelar – nemleg grasrota.

Søk etter foreininga du vil støtta her